الجمعة، 18 يوليو، 2014

بحاجة إلى انواع من المرايا

لكي تكتمل الأناقه والأنوثه لست بحاجه إلى شنطة بوتيقا ولا بربري ولا إلى قوتشي كذلك . و لا لعقد كارتير ولا ساعة رولكس او أقراط من ديور ...  أنتي بحاجه فقط إلى مرءاة 

هل فكرتي بأهميه المرآة وأيضا إلى نوع الإضاءه التي تستعينين بها في عمل المكياج والتأنق .

قبل أن تفكري ماذا ستلبسين وكيف تتأنقين و ماهي طريقتك لرسم الكحل أوحمرة الشفائف ما لونها ؟ما نوعها؟ . 
أحضري مراءة صغيره بحجم يدك وتكون ذات فائده في تكبيرها للصور العاكسة .إبدائي بفمك ما مشكلة الشفائف المتشققه ما لون أسناني كيف هو منظرها جميل رائع أم مقزز (لا اريد اللون الاحمر فأسناني ليست بذاك البياض ) هذه مقوله الكثير !!!
لما أنتظر أن يألمني أي سن لكي أذهب للطبيب لما لا أفحصها أولا...
إذا أردتي مقابلة الناس تمعني بهذه المرآة وتأكدي ان بواقي ما أكلتي بغدائك ليس موجودا استخدمي الفرشاة وتنظفي فحمرة ماك ولا درجة إحمرار لون شانيل سيضفي لك أسنان براقه ورائحة فم جميله .

الثلاثاء، 25 فبراير، 2014

وات ار كالوريز ؟

تعرفون جمله ما نعرف منين نبتدي الموضوع هذا انا في التدوينه مو عارفه كيف ابتدي    راح احاول اني انسق كلام يكون مفهوم و واضح لانه عباره عن فيزياء وهذا عقدة حياتي مالكم بالطويلات  

هالتدوينه مخصوص خص نص لبنت خيتو جويل وبنت خالتو مي ...سألوني عن السعرات الحراريه وكيف ووش القصد فيها و ماعرفت اشرحها لهم لانه احسه  متشعب و لو نقعد نبحث بالنت نلاقي كلام كثير وكبير ومصطلحات مالنا منها اي فايده مثل القصد من الكالوري ولغة ومن اين اوخذ الاسم وكل هالاشياء مالنا فيها ...و الدوخه الاكبر من ناحية حساب السعرات لكل جسم معاناة ثانيه شي مدري وش يبي مثل لقيت موقع حاسب لجسمي سعرات فوق 2500 سعره من غير ما يحسب الطول مع النشاط الى اخره.
طبعا الموقع اللي كانت حسبته ولا أروع ويرضي عقليتي لانه مهوسه بالحساب هع  كان التفاح الاخضر لكن ما أدري ليه عدلوا على صفحتهم وحذفوا صفحه حساب الكالوري (السعرات الحراريه ) فقعدت أفر بالنت وكلهم غلط لان اذكر من خلال دراستي للفيزياء ان فيه شي غلط بحساباتهم ... فخطرت لي اني انا احسب يعني اطلع المعادله الاساسيه اللي تستخدمها المواقع واشوف كيف توافقها مع حساب موقع التفاح الاخضر ولقيتها صحيحه ميه بالميه و خاصه انها من موقع لمدرس فيزياء وكاتب المعادله بالتفصيل وموضح كل شي من غير اي فلسفه كبيره ...... 
_اولا_ راح اوضح المقصود بالسعرات الحراريه بشكل بسيط جدا...من خلال تعريف علمي :
الكالوري أو السعرات الحراريه هي عباره عن وحده قياس الطاقه ...مثل لو نقول وحده قياس الطول المتر أو الوزن الكيلو جرام..

الثلاثاء، 24 ديسمبر، 2013

يا جمالك 2..Roaccutane

بالبوست السابق كتبت تجربتي بكورس الروكتان وتجربتي المختصره جدا    
انا وحده يا اني اكتب هذره واجد ولا اني اختصر ام الاختصار واللي يقرا ما يفهم وش انا اقول هع هع

ماعلينا المفروض اني كتبت بوست جديد ورديت على الاستفسارات لكن العجازه من أخليها له .... 
الغالب كان سؤالهم عن الترطيب وضحت ان افضل شركه كيو في QV وبرضوا سيتافيل جدا رائعات هالنووعين يغنونك عن كل المرطبات يكفي انهم مو معطرين .
برضوا بخصوص الفازلين انا وضحت انه يخلي لك طبقات كيف يعني!!...لما تحطينه على وجهك اول شي راح يسمر ويبقع خصوصا لما تكونين تداومين وتتعرضين للشمس ....
الفازلين للشفايف انا ماعجبني برضوا يسمرها ويسوي لك طبقات وسالفه ماحبيته ابد ..لكن كنت اسوي تقشير فيه كيف!! 
كنت احط كميه كبيره على شفايفي واخليها شوي وبعدين احط مره ثانيه وبعدين ثالثه لحد ما احس شفايفي رطبه افركها  والبعض يستخدم فرش اسنان .......
...................................................

الأربعاء، 4 ديسمبر، 2013

يا جمالك ..Roaccutane

الروكتان ...الروكيوتين... الروكيتان.. انطقوها على ماتحبون نبي الخلاصه من الحبوب الاسماء تختلف مو شرط مثل ما الكل متصور انه مو موجود غير هالشركه واتعجب كثير لما نتناقش وخاصه مع المهتمين بالبشره ان نهائيا مافيه اي علاج يفيد غيره ....  عندهم انه هذا اسم الحبوب ومو اسم الشركه ..مو ذنبهم لانه هو الشي الدارج والمعروف مثل لما نقول بندول هو الوحيد لعلاج الصداع  ورغم انه فيه شركات ادويه كثيره تنتج علاج للالم بكل انواعه صداع بطن الام الدوره الشهريه كل شي ...
........
في هالبوست ماراح اقول اني الخبيره وما احد قدي ومن هالكلام اللي اشوفه في تجارب بنات كثيره وغالبا اللي تابعتهم كانت خبرتهم ماتتعدى شهر الى 3 شهور وهذا مو عيب باحد لكن الاغلبيه كانت مفجعه ومحبطه لابعد حد ....وكله معلومات مغلوطه ويأس
................
قبل التفلسف انا جربت هالحبوب كورسين خلال ست سنوات  يتخللها علاجات من مضاد حيوي لتقشير بشره ..وعنايه لمرحله كورس جديد ....وكانت لاسباب مو اهمال او احباط من نفسي او فشل  في اختيار الدكتور .... 
...................................
في مدونتي الجميله لاني صاحبتها وصرت اخقق بعد ماخلصت كورسات الجمال والبيوتقل لزوم يعني اني كشخه وستايل هع
 راح اتكلم عن تجربتي من غير تعصب لدكتور او منتج معين ...راح اتكلم طبيا ومو من تجارب فلانه وعلانه ولا من خبرتي  كتبت هالبوست لاني انصدمت نفسيا وجماليا من تجارب بنات كلها احباط وافكار غلط عن عنايتهم بالبشره ...
............